1 ᓄᕕᐱᕆ 2015
ᐃᑦᑕᖅ ᖁᕕᐊᓲᑎᖃᖅᐳᖅ ᓄᑖᓂᑦ ᑭᓐᓇᐅᔭᓂᑦ ᑐᓂᕐᕈᓯᐊᓚᐅᕐᓂᖏᓄᑦ Tides Canada-ᑯᓐᓂᑦ ᐃᑲᔪᖅᓰᔾᔪᑎᒃᓴᓄᑦ ᖃᐅᔨᓴᕐᓂᒥ ᑲᖏᖅᑐᒑᐱᐅᑉ ᐃᒪᖓᑕ ᐊᕙᑎᖓᓂᑦ. ᑭᓐᓇᐅᔭᑦ ᐃᑲᔪᖅᓰᒐᔭᖅᐳᑦ ᐃᑦᑕᖅ ᓯᕗᓕᖅᑎᐅᓗᓂᒃ ᐱᓕᕆᐊᒥᒃ ᑲᑐᔾᔨᖃᑎᒌᑎᑦᑎᒐᔭᖅᑐᒥᑦ ᐃᓐᓇᑐᖃᕐᓂᑦ, ᐆᒪᔪᕋᓱᑦᑎᓂᑦ, ᒪᒃᑯᑦᑐᓂᑦ, ᐊᒻᒪᓗ ᓄᓇᓕᖕᓂ ᐊᔾᔨᓕᐅᕆᔨᓂᑦ ᐊᒻᒪᓗ ᑕᕐᕆᔭᒃᓴᓕᐅᖅᑎᓂᑦ. ᐱᓕᕆᐊᖅ ᐃᓗᓕᖃᐅᕋᔭᖅᑐᖅ, ᐱᖃᓯᐅᑎᓗᒋᑦ ᑎᑎᕋᕐᓂᖅ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ ᐃᒪᕐᒥ ᓯᑯᒥᓪᓗ ᑐᕌᖓᔪᓂᑦ, ᐱᖃᓯᐅᑎᒻᒥᓗᒋᓪᓗ ᐃᓕᖅᑯᓯᑐᖃᕗᑦ ᐊᒻᒪᓗ ᐃᑦᑕᕐᓂᓴᓕᕆᔾᔪᑎᕗᑦ ᐊᑦᑐᐊᓂᓖᑦ ᐊᕙᑎᒋᔭᑦᑎᖕᓂᒃ. ᐱᓕᕆᖃᑎᖃᕋᔭᖅᐳᒍ ᐱᓕᕆᐊᒥᒃ ᓄᓇᓕᐅᑉ ᓯᕗᓕᖅᑎᖏᓂᑦ, ᖃᐅᔨᓴᖅᑎᖏᓂᑦ ᐊᒻᒪᓗ ᐊᓯᖏᓂᑦ. ᑲᖏᖅᑐᒑᐱᖕᒥ ᖃᐅᔨᒪᔮᕆᔭᑐᖃᕐᓄᑦ ᓄᓇᙳᐊᖅ ᐃᑲᔫᑎᒋᒐᔭᖅᑕᕗ ᐋᖅᑭᒃᓱᐃᔾᔪᑎᒋᓗᑎᒍ ᐊᒻᒪᓗ ᖃᐅᔨᒪᔭᑐᖃᓂᑦ ᐅᖃᖃᑎᒌᒍᑎᒋᓗᑎᒍᑦ ᑕᕙᙶᖅᑐᓂᑦ ᓄᑖᒥᒃ ᐱᓕᕆᐊᖑᓛᖅᑐᒥᒃ.
